{"id":5613,"date":"2019-09-25T11:35:50","date_gmt":"2019-09-25T11:35:50","guid":{"rendered":"https:\/\/www.ysgolsul.com\/?page_id=5613"},"modified":"2024-09-18T15:27:05","modified_gmt":"2024-09-18T15:27:05","slug":"son-am-iesu","status":"publish","type":"page","link":"https:\/\/ysgolsul.com\/?page_id=5613","title":{"rendered":"S\u00f4n am Iesu"},"content":{"rendered":"

S\u00f4n am Iesu<\/strong>
\nCwrs newydd i\u2019n helpu i rannu ein f\"\"<\/a>fydd yn hyderus a naturiol gydag eraill.<\/p>\n

Beth am i ni S\u00f4n am Iesu gydag eraill<\/p>\n

Sgyrsiau gyda Christnogion yw un o’r dylanwadau pwysicaf wrth ddod \u00e2 phobl i ffydd. Bydd y cwrs hwn yn eich ysbrydoli i rannu eich ffydd a bydd yn rhoi awgrymiadau ymarferol i chi i’ch helpu chi i fod yn naturiol ac yn berthnasol wrth i chi siarad am Iesu gyda’r bobl rydych chi’n cwrdd \u00e2 nhw.<\/p>\n

Mae yna chwe sesiwn hwyliog yn rhan o\u2019r cwrs hwn, gan gynnwys ffilmiau byr, tystiolaethau ysbrydoledig, enghreifftiau go iawn gan bobl sy’n siarad am Iesu, a llyfr cwrs byr, hawdd ei ddilyn. Mae\u2019r adnodd ar gael ar gyfrwng DVD neu USB ar gyfer eich grwpiau cartref – mae\u2019r llyfr yn Gymraeg, a\u2019r ffilmiau i gyd wedi eu is-deitlo yn Gymraeg (ond Saesneg yw iaith lafar wreiddiol y ffilmiau).<\/p>\n

Beth alla i ei wneud i rannu fy ffydd?<\/strong>
\nGallwch chi ddangos y ffilm fer sy\u2019n gyflwyniad i\u2019r cwrs i’ch eglwys ar ddydd Sul, neu trwy’ch sianeli cyfryngau cymdeithasol eich eglwys, i annog pawb yn eich eglwys i fynd ar y daith arbennig o dystio i Iesu. Yna defnyddiwch y cwrs ffilmiau mewn grwpiau bach yn ystod yr wythnos, gan wylio’r fideo, ei drafod, ei gymhwyso i’ch sefyllfa, a gwedd\u00efo gyda’n gilydd yn gofyn i Dduw eich helpu chi i wneud Iesu’n hysbys. Y nod yw arfogi Cristnogion i wneud y mwyaf o bob cyfle i helpu ffrindiau, cydweithwyr ac aelodau o’r teulu i ystyried Iesu drostynt eu hunain ac i ddod yn ddilynwyr iddo. Mae llawer o bobl yn ei chael hi’n anodd i siarad am Iesu a rhannu eu ffydd. Bydd y cwrs hwn yn eich ysbrydoli i rannu’ch ffydd.<\/p>\n

Meddai rhai sydd wedi dilyn y cwrs:<\/strong>
\n\u2018Mae\u2019r ymateb i\u2019r cwrs wedi bod yn fwy nag y gallwn fod wedi gobeithio amdano. Soniodd un dyn yn ei 50au iddo gael sawl sgwrs gyda phobl mae wedi cyfarfod \u00e2 nhw wrth gerdded ei gi. Soniodd dyn h\u0177n arall am sut mae wedi achub ar y cyfle i siarad am ei ffydd a\u2019i obaith yn Iesu pan ofynnwyd iddo am ei driniaeth ar gyfer canser. Mae pawb ar y cwrs wedi siarad am sut maen nhw’n gwedd\u00efo am y pum enw y gwnaethon nhw eu hysgrifennu i lawr ar wythnos un, ac mae llawer bellach wedi cael cyfleoedd i siarad \u00e2 rhai ohonyn nhw am Iesu. ‘
\n\u2018Erbyn hyn, rwy\u2019n teimlo fy mod wedi cael pecyn cymorth i\u2019w ddefnyddio mewn pob math o gyd-destunau, ac rwyf wedi cael sgyrsiau gwych o ganlyniad. Rwy\u2019n gwybod nawr mai siarad am Iesu yw fy swydd i – bydd y gweddill i fyny i Dduw! \u2019<\/p>\n

Bydd y chwe sesiwn S\u00f4n am Iesu yn eich ysbrydoli i rannu eich ffydd yn hyderus ac yn naturiol. Y nod yw eich paratoi chi i wneud y mwyaf o bob cyfle i helpu ffrindiau, cydweithwyr ac aelodau o’r teulu i ystyried Iesu drostynt eu hunain ac i ddod yn ddilynwyr iddo.<\/p>\n

Mae’r pecyn yn cynnwys chwe fideo hyfforddi, ynghyd \u00e2 ffilmiau ar ffurf dameg a llyfryn cwrs 44 tudalen sy’n cyd-fynd ag ef. Gellir prynu cop\u00efau ychwanegol o’r llyfryn ar wah\u00e2n ar gyfer aelodau’r gr\u0175p.<\/p>\n

Cliciwch isod am fwy o wybodaeth ac i lawrlwytho’r adnoddau sydd ag opsiwn is-deitlau Cymraeg:<\/strong><\/p>\n

talkingjesus.org\/course<\/a><\/p>\n

Dyma ffilm fer yn rhoi rhagflas o’r cwrs:<\/strong><\/p>\n