{"id":275,"date":"2012-03-21T10:04:27","date_gmt":"2012-03-21T10:04:27","guid":{"rendered":"http:\/\/www.ysgolsul.com\/?page_id=275"},"modified":"2025-03-12T10:24:38","modified_gmt":"2025-03-12T10:24:38","slug":"sefydlu-ysgol-sul-newydd","status":"publish","type":"page","link":"https:\/\/ysgolsul.com\/?page_id=275","title":{"rendered":"Sefydlu Ysgol Sul newydd"},"content":{"rendered":"

Beth am gychwyn Ysgol Sul newydd?<\/strong>
\n– sefydliad sydd wedi bod yn rhan annatod o’r Gymuned Gymraeg ers dros 200 mlynedd!<\/em><\/p>\n

\"\"<\/a>Ers dros 200 mlynedd y mae’r ysgol Sul Gymraeg wedi chwarae rhan bwysig ym mywydau plant a ieuenctid ein gwlad, yn eu twf ysbrydol, moesol a chymdeithasol a hynny trwy gyfrwng yr iaith Gymraeg. Tystiolaeth gyffredin heddiw yw clywed pobl yn talu diolch am gyfraniad y sefydliad gwerthfawr hwnnw ar eu bywydau. Erbyn heddiw ceir cymunedau Cymraeg, mewn trefi a chefn gwlad, lle mae yna nifer o eglwysi ond dim darpariaeth ysgol Sul ar gyfer plant a ieuenctid.<\/p>\n

Meddai Iesu,\u201cGadewch i`r plant ddod ataf fi, peidiwch \u00e2`u rhwystro.\u201d (Marc 10:14)<\/strong><\/p>\n

Mae Iesu Grist wedi gorchymyn i`w eglwys i fynd \u00e2`r efengyl i`r holl fyd ac mae hynny`n golygu nid yn unig gwledydd pell dros y m\u00f4r ond hefyd ein pentrefi a`n trefi yma yng Nghymru. Gwyddom i gyd am y dirywiad mawr yn hanes Cristnogaeth yn ein gwlad ac fel mae cenhedlaeth ar \u00f4l cenhedlaeth o blant yn tyfu fyny heb wybod fawr ddim am Dduw a`r ystyr i fywyd sydd ar gael ym mherson Iesu Grist.<\/p>\n

Erbyn heddiw mae`r Ysgol Sul wedi mynd i raddau helaeth iawn i fod yn sefydliad ar gyfer plant aelodau, ac yn aml mae hyd yn oed rheini yn dewis peidio \u00e2 mynychu. Sut felly mae cyrraedd plant ein hardal gydag efengyl yr Arglwydd Iesu?<\/p>\n

Un ffordd bosib yw trwy sefydlu clybiau Cristnogol sy`n cynnig gweithgareddau cyffrous a llawn hwyl sy`n debygol o ddenu plant ynghyd. Ym mysg gweithgareddau`r clwb bydd cyfle i gyflwyno stori o`r Beibl a `i gymhwyso ar gyfer y dydd heddiw. Fe all clwb o`r fath gyfarfod unrhyw adeg o`r wythnos sy`n fwyaf cyfleus. Er enghraifft, os oes gan blant y pentref ymarfer rygbi ar fore Sul, gellir cynnal y clwb ar \u00f4l ysgol ar nos Lun.<\/p>\n

Erbyn heddiw mae nifer o glybiau Cristnogol yn bodoli yng Nghymru ac yn cyfarfod am ryw awr bob wythnos. Mae`r clybiau hyn yn denu amrywiaeth o blant ynghyd \u2013 rhai o gefndir capel \/ eglwys, ond yn holl bwysig nifer helaeth sydd heb unrhyw fath o gefndir crefyddol.<\/p>\n

Os ydych chi`n poeni bod plant eich ardal heb glywed neges yr efengyl ac os oes gennych awydd i geisio newid y sefyllfa trwy sefydlu clwb Cristnogol, neu hyd yn oed ail gychwyn Ysgol Sul, yna cysylltwch gyda ni am sgwrs a chymorth. Gwedd\u00efwch dros y mater, ac yna ceisiwch gefnogaeth eraill yn eich capel \/ eglwys ac eglwysi\u2019r fro. Yn ymarferol, mae angen o leiaf 3-4 person ymroddedig i redeg clwb llwyddiannus. Os ydych yn gweld posibiliadau i gychwyn gwaith newydd yna byddwn yn hapus iawn i drefnu adeg cyfleus i`ch cyfarfod ac i`ch cynorthwyo ym mhob ffordd posib.<\/p>\n

Mae gan blant Cymru\u2019r hawl i glywed y newyddion da am Iesu Grist ac mae`n gyfrifoldeb ar yr eglwys i wneud yn si\u0175r eu bod yn cael y cyfle.<\/p>\n

Y mae Cyngor Ysgolion Sul, sy’n gweithio’n gydenwadol, yn awyddus iawn i weld ysgol Sul weithredol ym mhob cymuned ac ar gael i bob plentyn yng Nghymru.<\/p>\n

Rydym yn medru cynorthwyo i sefydlu ysgolion Sul newydd trwy gyfarfod arweinwyr, darparu cefnogaeth, adnoddau ayyb.<\/p>\n

Rydym ar gael i drafod posibiliadau ac i gynghori. Os ydych awydd gweld ysgol Sul yn cael ei sefydlu yn eich ardal beth am gysylltu \u00e2 ni.ac fe geisiwn gydweithio gyda eglwysi’r cylch i sicrhau ymateb. Cysylltwch \u00e2 ni am fwy o wybodaeth:<\/p>\n

Aled Davies
\nCyngor Ysgolion Sul
\nAel y Bryn, Chwilog, Pwllheli, Gwynedd LL53 6SH
\naled@ysgolsul.com neu \u202d07894 580192\u202c<\/p>\n