{"id":1117,"date":"2015-06-03T10:36:23","date_gmt":"2015-06-03T10:36:23","guid":{"rendered":"http:\/\/www.ysgolsul.com\/?page_id=1117"},"modified":"2018-12-18T15:35:56","modified_gmt":"2018-12-18T15:35:56","slug":"ffilmiau-torri-syched-lawrlwytho","status":"publish","type":"page","link":"https:\/\/ysgolsul.com\/?page_id=1117","title":{"rendered":"Ffilmiau Torri Syched (Lawrlwytho)"},"content":{"rendered":"

Ffilmiau Torri Syched<\/strong><\/p>\n

Mae Torri Syched yn gyfres o ffilmiau byr yn trafod bywyd a ffydd, yn addas ar gyfer ieuenctid h\u0177n ac oedolion. Maen nhw wedi eu ysgrifennu a’u cyflwyno gan Rhys Llwyd<\/strong>.<\/p>\n

Mae\u2019r dair ffilm Torri Syched bellach ar gael fel pecyn i\u2019w lawrlwytho. Mae\u2019r pecyn yn dod gyda llyfryn trafod. Yn y pecyn mae:<\/p>\n

Torri Sychedd 001 | Derbyniad<\/strong>
\nMae\u2019r ffilm hon yn trafod y duedd sydd ynom ni i gyd i blesio pawb, a hynny am ein bod ni am gael ein derbyn. Rydym ni eisiau cael ein derbyn gan ein cyfoedion, ein teulu a\u2019n ffrindiau ond yn bennaf rydym ni eisiau cael ein derbyn gan Dduw. Esbonia\u2019r ffilm yma nad oes rhaid i ni blesio Duw er mwyn cael ein derbyn gan ei fod yn ein derbyn fel ag yr ydym ni \u2013 mae\u2019n ein derbyn ni er gwaethaf yr hyn ydym ni nid oherwydd yr hyn ydym ni.<\/p>\n

Torri Syched 002 | Llenwi<\/strong>
\nMae\u2019r ffilm hon yn trafod ein tuedd i geisio llenwi ein bywydau gyda phob math o bethau fel dillad, bwyd, ceir, technoleg \u2013 popeth y mae ein cymdeithas fodern yn taflu atom ni. Rydym ni i gyd i ryw raddau wedi syrthio i\u2019r fagl ac yn trio llenwi ein bywydau \u00e2 phethau. Yn amlach na pheidio dydy\u2019r profiad ddim cystal ag addewid yr hysbysebion lliwgar. Teimlad gwag sy\u2019n dilyn. Mae Duw yn ein gweld ni heddiw yn ceisio llenwi ein bywydau \u00e2 phob math o bethau ond mae un rhan o\u2019n bywydau na ellir ei lenwi ond gan un peth, sef ffydd yn Nuw.<\/p>\n

Torri Syched 003 | Dyfodol<\/strong>
\nRydym ni i gyd yn hoffi gwybod beth sydd rownd y gornel nesaf, am wybod sut mae\u2019r stori\u2019n gorffen. Ond mae ein bywydau ni, ar y cyfan, yn ansicr \u2013 dydyn ni ddim yn gwybod beth fydd yn digwydd fory gan fod y byd yma\u2019n taflu pob math o bethau annisgwyl ac anodd i\u2019n cyfeiriad. Mae\u2019r ansicrwydd yma yngl\u0177n \u00e2\u2019n dyfodol yn ein harwain i bryderu. Yn amlach na pheidio mae ein pryder yn seiliedig ar ddim byd mwy na speculation a dychmygu\u2019r worst case senario. Mae pryder am y dyfodol yn ein rhwystro rhag mwynhau bywyd yn y presennol. Duw sy\u2019n dal ein dyfodol ac felly drwy ymddiried ein dyfodol iddo fe gallwn ni gael ein rhyddhau i fwynhau bywyd heddiw yn ei gyflawnder.<\/p>\n

Llyfryn Trafod<\/strong>
\nYn cynnwys arweiniad sut i gynnal noson\/oedfa Torri Syched ynghyd ag adnoddau a chwestiynnau trafod i gyd fynd gyda’r ffilmiau.<\/p>\n

Dyma sampl o un o’r ffilmiau:
\n