{"id":10329,"date":"2024-11-06T12:19:02","date_gmt":"2024-11-06T12:19:02","guid":{"rendered":"https:\/\/ysgolsul.com\/?page_id=10329"},"modified":"2024-12-04T16:30:04","modified_gmt":"2024-12-04T16:30:04","slug":"derbyn-a-chonffermasiwn","status":"publish","type":"page","link":"https:\/\/ysgolsul.com\/?page_id=10329","title":{"rendered":"Derbyn a Chonffermasiwn"},"content":{"rendered":"
Pwysigrwydd paratoi ar gyfer aelodaeth<\/div>
\n

Tasg eithriadol bwysig, ac eto tasg hynod anodd, yw cynnal Dosbarth Derbyn neu Ddosbarth Cymunwyr Ifanc \u2013 mor anodd fel nad ydi pob gweinidog yn cynnal dosbarth o unrhyw fath, dim ond bodloni ar un sgwrs fer anffurfiol wythnos neu ddwy o flaen llaw. Amcan dosbarth yw cynorthwyo rhai sydd wedi dod i oed i benderfynu drostynt eu hunain a ydynt yn dymuno dod yn aelodau cyflawn o\u2019r Eglwys ai peidio.<\/p>\n

Hwy eu hunain sydd i benderfynu a ydynt yn barod i wneud proffes o ffydd yn Iesu Grist a dod yn rhan lawn o deulu\u2019r ffydd, nid eu rhieni na neb arall o\u2019r teulu sydd i benderfynu drostynt! Gan mor bwysig yw iddynt ddod i benderfyniad cyfrifol, mantais i hyrwyddo trafodaeth yw i bob aelod o\u2019r dosbarth fod \u00e2 chopi i\u2019w galluogi i baratoi ar gyfer pob cyfarfod a chymryd rhan yn rhydd ym mhob trafodaeth.<\/p>\n

Mae llwyddiant neu fethiant dosbarth yn dibynnu ar fedru cychwyn a chynnal trafodaeth. Does dim byd gwaeth na chynnal dosbarth o chwech, dyweder, a\u2019r un o\u2019r chwech yn barod i ddweud dim! Mae bod \u00e2 chopi bob un yn golygu y gellir trefnu i aelodau ddweud eu barn ar bwnc neu ddau o flaen llaw.<\/p>\n

Llawlyfr sydd wedi ei baratoi yw ‘Derbyn a Dilyn Iesu’ gan Elfed ap Nefydd Roberts sy’n cynnwys 10 sesiwn cyflawn:
\n– Pam cael eich derbyn?
\n– Pam credu yn Nuw?
\n– Pwy ydi Iesu Grist?
\n– Y Groes a\u2019r Atgyfodiad
\n– Pwy ydi\u2019r Ysbryd Gl\u00e2n?
\n– Pam yr Eglwys?
\n– Ydi\u2019r Beibl yn wir?
\n– Ydi gwedd\u00efo\u2019n bwysig?
\n– Addoli a\u2019r sacramentau
\n– Byw y bywyd cristnogol
\n

<\/div>\n\"\"<\/a> Derbyn a dilyn Iesu: Cwrs paratoi i gymunwyr ifanc<\/strong> Elfed ap Nefydd Roberts
\nDyma adnodd ar gyfer gweinidogion ac arweinwyr, sy’n lawlyfr hwylus i baratoi pobl ifanc ar gyfer dod yn aelodau cyflawn o eglwys Iesu Grist.
\n\t
\n\n\t\t\n\t\t
\n\t\t\t